भुवनेश्वरी हृदय स्तोत्र || Bhuvaneshvari Hriday Stotra
इस भुवनेश्वरी हृदयस्तोत्र को एकाग्रचित्त होकर जो पढ़ता है उस पर देवी प्रसन्न होकर उसे धन, धान्य, आयुष्य तथा पुण्य देती है ।
श्रीभुवनेश्वरीहृदयम्
श्रीभुवनेश्वरीहृदयम्
श्रीगणेशाय नमः ।
श्रीउमामहेश्वराभ्यां नमः ।
देव्युवाच ।
भगवन् ब्रूहि तत्स्तोत्रं सर्वकामप्रसाधनम् ।
यस्य श्रवणमात्रेण नान्यच्छ्रोतव्यमिष्यते ॥ १॥
यदि मेऽनुग्रहः कार्यः प्रीतिश्चापि ममोपरि ।
तदिदं कथय ब्रह्मन् विमलं यन्महीतले ॥ २॥
देवी बोली : हे भगवन् ! आप मुझे वह स्तोत्र बताइये जो सभी इच्छाओं को पूर्ण कर सके तथा जिसके सुनने मात्र से अन्य कुछ सुनने के लिए शेष न रहे। यदि आपकी मुझ पर प्रीति है और मुझ पर आपको कृपा करनी है तो हे ब्रह्मन्! जो संसार में पवित्र है उसे मुझे आप बतलायें।
ईश्वर उवाच ।
श्रृणुदेवि प्रवक्ष्यामि सर्वकामप्रसाधनम् ।
हृदयं भुवनेश्वर्याः स्तोत्रमस्ति यशोदयम् ॥ ३॥
ईश्वर बोले : हे देवि! मैं समस्त कामनाओं को पूर्ण करनेवाले, यशस्कर भुवनेश्वरी हृदय स्तोत्र को कहूंगा-
अथ श्रीभुवनेश्वरी हृदयस्तोत्रम्
विनियोगः ।
ॐ अस्य श्रीभुवनेश्ववरीहृदयस्तोत्रमन्त्रस्य शक्तिऋषिः ।
गायत्री छन्दः । श्रीभुवनेश्ववरी देवता ।
हकारो बीजम् । ईकारः शक्तिः । रेफः कीलकम् ।
सकलमनोवाञ्छितसिद्धयर्थे पाठे जपे विनियोगः ॥
हृदयादिषडङ्गन्यासः
ॐ ह्रीं हृदयाय नमः ।
ॐ श्रीं शिरसे स्वाहा ।
ॐ ऐं शिखायै वषट् ।
ॐ ह्रीं कवचाय हुं ।
ॐ श्रीं नेत्रत्रयाय वौषट् ।
ॐ ऐं अस्त्राय फट् ।
इति हृदयादिषडङ्गन्यासः ॥
करन्यासः
ॐ ह्रीं अङ्गुष्ठाभ्यां नमः ।
ॐ श्रीं तर्जनीभ्यां नमः ।
ॐ ऐं मध्यमाभ्यां नमः ।
ॐ ह्रीं अनामिकाभ्यां नमः ।
ॐ श्रीं कनिष्ठिकाभ्यां नमः ।
ॐ ऐं करतलकरपृष्ठाभ्यां नमः ।
इति करन्यासः ॥
अथ ध्यानम् ।
ध्यायेद्ब्रह्मादिकानां कृतजनिजननीं योगिनीं योगयोनिं
देवानां जीवनायोज्ज्वलितजयपरज्योतिरुग्राङ्गधात्रीम् ।
शङ्खं चक्रं च बाणं धनुरपि दधतीं दोश्चतुष्काम्बुजातैर्मायामाद्यां
विशिष्टां भवभवभुवनां भूभवा भारभूमिम् ॥ ४॥
इति ध्यानम् ॥
श्रीभुवनेश्वरीहृदयस्तोत्रम्
यदाज्ञया यो जगदाद्यशेषं सृजत्यजः श्रीपतिरौरसं वा ।
बिभर्ति संहन्ति भवस्तदन्ते भजामहे श्रीभुवनेश्वरीं ताम् ॥ ५॥
जगज्जनानन्दकरीं जयाख्यां यशस्विनीं यन्त्रसुयज्ञयोनिम् ।
जितामितामित्रकृतप्रपञ्चां भजामहे श्रीभुवनेश्वरीं ताम् ॥ ६॥
हरौ प्रसुप्ते भुवनत्रयान्ते अवातरन्नाभिजपद्मजन्मा ।
विधिस्ततोऽन्धे विदधार यत्पदं भजामहे श्रीभुवनेश्वरीं ताम् ॥ ७॥
न विद्यते क्वापि तु जन्म यस्या न वा स्थितिः सान्ततिकीह यस्याः ।
न वा निरोधेऽखिलकर्म यस्या भजामहे श्रीभुवनेश्वरीं ताम् ॥ ८॥
कटाक्षमोक्षाचरणोग्रवित्ता निवेशितार्णा करुणार्द्रचित्ता ।
सुभक्तये एति समीप्सितं या भजामहे श्रीभुवनेश्वरीं ताम् ॥ ९॥
यतो जगज्जन्म बभूव योनेस्तदेव मध्ये प्रतिपाति या वा ।
तदत्ति यान्तेऽखिलमुग्रकाली भजामहे श्रीभुवनेश्वरीं ताम् ॥ १०॥
सुषुप्तिकाले जनमध्ययन्त्या यया जनः स्वप्नमवैति किञ्चित् ।
प्रबुद्ध्यते जाग्रति जीव एष भजामहे श्रीभुवनेश्वरीं ताम् ॥ ११॥
दयास्फुरत्कोरकटाक्षलाभान्नैकत्र यस्याः प्रलभन्ति सिद्धाः ।
कवित्वमीशित्वमपि स्वतन्त्रा भजामहे श्रीभुवनेश्वरीं ताम् ॥ १२॥
लसन्मुखाम्भोरुहमुत्स्फुरन्तं हृदि प्रणिध्याय दिशि स्फुरन्तः ।
यस्याः कृपार्द्रं प्रविकाशयन्ति भजामहे श्रीभुवनेश्वरीं ताम् ॥ १३॥
यदानुरागानुगतालिचित्राश्चिरन्तनप्रेमपरिप्लुताङ्गाः ।
सुनिर्भयाः सन्ति प्रमुद्य यस्याः भजामहे श्रीभुवनेश्वरीं ताम् ॥ १४॥
हरिर्विरञ्चिर्हर ईशितारः पुरोऽवतिष्ठन्ति प्रपन्नभङ्गाः ।
यस्याः समिच्छन्ति सदानुकूल्यं भजामहे श्रीभुवनेश्वरीं ताम् ॥ १५॥
मनुं यदीयं हरमग्निसंस्थं ततश्च वामश्रुतिचन्द्रसक्तम् ।
जपन्ति ये स्युर्हि सुवन्दितास्ते भजामहे श्रीभुवनेश्वरीं ताम् ॥ १६॥
प्रसीदतु प्रेमरसार्द्रचित्ता सदा हि सा श्रीभुवनेश्ववरी मे ।
कृपाकटाक्षेण कुबेरकल्पा भवन्ति यस्याः पदभक्तिभाजः ॥ १७॥
मुदा सुपाठ्यं भुवनेश्वरीयं सदा सतां स्तोत्रमिदं सुसेव्यम् ।
सुखप्रदं स्यात्कलिकल्मषघ्नं सुश्रृण्वतां सम्पठतां प्रशस्यम् ॥ १८॥
श्रीभुवनेश्वरी हृदयस्तोत्रम् फलश्रुति:
एतत्तु हृदयं स्तोत्रं पठेद्यस्तु समाहितः ।
भवेत्तस्येष्टदा देवी प्रसन्ना भुवनेश्वरी ॥ १९॥
ददाति धनमायुष्यं पुण्यं पुण्यमतिं तथा ।
नैष्ठिकीं देवभक्तिं च गुरुभक्तिं विशेषतः ॥ २०॥
इस हदयस्तोत्र को एकाग्रचित्त होकर जो पढ़ता है उसकी इष्टदेवी भुवनेश्वरी प्रसन्न होकर उसे धन, धान्य, आयुष्य, पुण्य तथा पुण्यमति, नैष्ठिकी देवभक्ति तथा विशेष रूप से गुरुभक्ति देती है ।
पूर्णिमायां चतुर्दश्यां कुजवारे विशेषतः ।
पठनीयमिदं स्तोत्रं देवसद्मनि यत्नतः ॥ २१॥
पूर्णिमा को, चतुर्दशी को और विशेषरूप से मंगलवार को देवमन्दिर में इस स्तोत्र को यत्नपूर्वक पढ़ना चाहिए।
यत्रकुत्रापि पाठेन स्तोत्रस्यास्य फलं भवेत् ।
सर्वस्थानेषु देवेश्याः पूतदेहः सदा पठेत् ॥ २२॥
जहां कहीं भी इस स्तोत्र का पाठ किया जाय वहाँ अवश्य फल मिलता है। सभी स्थानों पर देवेशी के इस स्तोत्र को पवित्र होकर ही पढ़ना चाहिए।
॥ इति नीलसरस्वतीतन्त्रे भुवनेश्वरीपटले श्रीदेवीश्वरसंवादे श्रीभुवनेश्वरी हृदयस्तोत्रं समाप्तम् ॥
इस प्रकार श्रीभुवनेश्वरी हृदय स्तोत्र समाप्त हुआ ॥
