Amhi hindu hi tar amuchi – आम्ही हिंदु ही तर अमुची
आम्ही हिंदु ही तर आमची स्वभाविक ललकारी रे
राष्ट्रभक्तीची विराट शक्ती प्रकटे जागृत भारी रे ॥
मायभूमीच्या कणाकणाचे प्रेम आमुचे प्राणपणाचे
मायभूमीचि सर्व लेकरे समान आम्हा प्यारी रे ॥
ही समता ना ओठावरती बंधुत्वाची हृदयी ज्योती
पहा पहा ही फाडुनी छाती फिटेल शंका सारी रे ॥
परंपरांचा मान राखतो क्षुद्र रुढींचे हीण जाळतो
नव्या युगाचे शिल्प कोरिता अयोग्य उडवू दूरी रे ॥
संतजनांच्या अध्यात्माची वीरवरांच्या हौतात्म्याची
दिव्य प्रेरणा परमार्थ्याची स्वार्थ अहंता मारी रे ॥
संघटनेने बळ साधावे दारिद्रयाचे पाश तुटावे
समर्थ मंगल जीवन अमुचे विश्वास्तव शुभकारी रे ॥
āmhī hiṁdu hī tara āmacī svabhāvika lalakārī re
rāṣṭrabhaktīcī virāṭa śaktī prakaṭe jāgṛta bhārī re ||
māyabhūmīcyā kaṇākaṇāce prema āmuce prāṇapaṇāce
māyabhūmīci sarva lekare samāna āmhā pyārī re ||
hī samatā nā oṭhāvaratī baṁdhutvācī hṛdayī jyotī
pahā pahā hī phāḍunī chātī phiṭela śaṁkā sārī re ||
paraṁparāṁcā māna rākhato kṣudra ruḍhīṁce hīṇa jāḻato
navyā yugāce śilpa koritā ayogya uḍavū dūrī re ||
saṁtajanāṁcyā adhyātmācī vīravarāṁcyā hautātmyācī
divya preraṇā paramārthyācī svārtha ahaṁtā mārī re ||
saṁghaṭanene baḻa sādhāve dāridrayāce pāśa tuṭāve
samartha maṁgala jīvana amuce viśvāstava śubhakārī re ||
