Ved Mantrahun Amha Vandya Vande Mataram | वेदमंत्राहुन आम्हा वंद्य वंदे मातरम | RSS Geet
वेदमंत्राहून आम्हां वंद्य, वंदे मातरम् ॥
वेदमंत्राहून आम्हां, वंद्य वंदे मातरम् , वंद्य वंदे मातरम् ॥ध्रु॥
माउलीच्या मुक्ततेचा, यज्ञ झाला भारती ।
त्यात लाखो वीर देती, जीविताच्या आहुती ।
आहुतींनी सिद्ध केला, मंत्र वंदे मातरम् ॥१॥
याच मंत्राने मृतांचे, राष्ट्र सारे जागले ।
शस्त्रधारी निष्ठुरांशी, शांतीवादी झुंजले ।
शस्त्रहीना एक लाभे, मंत्र वंदे मातरम् ॥२॥
निर्मिला हा मंत्र ज्यांनी, आचरीला झुंजुनी ।
ते हुतात्मे देव झाले, स्वर्गलोकी जाउनी ।
गा तयांच्या आरतीचे, गीत वंदे मातरम् ॥३॥
गीत : ग. दि. माडगूळकर
संगीत : सुधीर फडके
स्वर : सुधीर फडके
चित्रपट : ‘वंदे मातरम्’ (१९४८)
