श्री महागणपति वज्र पञ्जर कवच, Shri Mahaganpati Vajra Panjar Kavach
श्रीरुद्रयामल तंत्र में स्थित यह कवच सर्वोत्तम है | साधको को अवश्य कवच का पाठ करना चाहिए | मंत्र एवं पूजन की सिद्धि के लिए | गणेश उपासको के लिए यह रामबाण कवच है |
महादेवि गणेशस्य वरदस्य महात्मनः |
कवचं ते प्रवक्ष्यामि वज्रपञ्जरकाभिधम् ||
ॐ अस्य श्री महागणपति वज्रपञ्जर कवचस्य श्रीभैरवऋषिः गायत्रं छन्दः श्रीमहागणपति देवता गं बीजं ह्रीं शक्तिः कुरु कुरु कीलकं वज्रविद्यादि सिध्यर्थे श्रीमहागणपतिः वज्रपञ्जर कवच पाठे विनियोगः |
श्रीमहागणपति देवतायै नमः ह्रदि |
कुरूकुरू कीलकाय नमः पादयोः |
वज्रविद्यादि सिध्यर्थे महागणपति वज्रपञ्जर कवचपाठे विनियोगाय सर्वाङ्गे |
गः करतलकर पृष्ठाभ्यां नमः |
गौं नेत्रत्रयाय वौषट् नमः |
विघ्नेशं विश्ववंद्यं सुविपुल यशसं लोकरक्षा प्रदक्षम्
साक्षात् सर्वापदासु प्रशमन सुमतिं पार्वती प्राणसूनुम् |
प्रायः सर्वसुरेन्द्रैः ससुरमुनिगणैः साधकैः पूज्यमानम्
कारूण्येनान्तरायामित भयशमनं विघ्नराजं नमामि ||
ॐ श्रीं ह्रीं गं शिरः पातु महागणपतिः प्रभुः |
विनायको ललाटं में विघ्नराजो भ्रुवौ मम ||
पातु नेत्रे गणाध्यक्षो नासिकां में गजाननः |
श्रुती मेंऽवतु हेरम्बो गण्डौ में मोदकाशनः ||
द्वै मातुरो मुखं पातु चाधरौ पात्वरिन्दमः |
दंतान् ममैक दन्तोऽव्याद् वक्रतुण्डोऽवताद्रसाम् ||
गांगेयों में गलं पातु स्कन्धौ सिंहासनोऽवतु |
विघ्नान्तको भुजौ पातु हस्तौ मूषक वाहनः ||
उरु ममावतान्नित्यं देवस्त्रि पुर घातनः |
हृदयँ में कुमारोऽव्याज्जयन्तः पार्श्व युग्मकम् ||
प्रद्युम्नो मेंऽवतात् पृष्ठं नाभिं शङ्कर नन्दनः |
कटिं नन्दिगणः पातु शिश्नं वीरेश्वरोऽवतु ||
मेढ्रे मेंऽवतु सौभाग्यो भृङ्गिरीटी च गुह्यकम् |
विराटकोऽवतादूरु जानू में पुष्पदन्तकः ||
जङ्घे मम विकर्तोऽव्याद् गुल्फावन्त्य गणोऽवतु |
पादौ चित्त गणःपातु पादाधो लोहितोऽवतु ||
पादपृष्ठं सुन्दरोऽव्याद् नूपुराढ़यो वपुर्मम |
विचारो जठरं पातु भूतानि चोग्र रूपकः ||
शिरसः पादपर्यन्तं वपुःसप्त गणोऽवतु |
पादादि मूर्धपर्यन्तं वपुः पातु विनर्तकः ||
विस्मारितं तु यत्स्थानं गणेशस्तत् सदाऽवतु |
पूर्वे मां ह्रीं करालोऽव्यादाग्नेये विकरालकः ||
दक्षिणे पातु संहारो नैऋते रुरु भैरवः |
पश्चिमे मां महाकालो वायौ कालाग्नि भैरवः ||
उत्तरे मां सितास्योऽव्यादैशान्यामसितात्मकः |
प्रभाते शतपत्रोंऽव्यात सहस्त्रारस्तु मध्यमे ||
दंतमाला दिनान्तेऽव्यान्निशि पात्रं सदाऽवतु |
कलशो मां निशीथेऽव्यान्निशांते परशुस्तथा |
सर्वत्र सर्वदा पातु शङ्ख युग्मं च मद्वपुः ||
ॐ ॐ राजकुले हौं हौं रणभये ह्रीं ह्रीं कुद्यूतेऽवतात्
श्रीं श्रीं शत्रुगृहे शशौं जलभये क्लीं क्लीं वनान्तेऽवतु |
ग्लौं ग्लूं ग्लैं ग्लं गुं सत्वभीतीषु महा व्याघ्यार्तिषु ग्लौं गं गौं
नित्यं यक्ष पिशाच भूतफणिषु ग्लौं गं गणेशोऽवतु |
|| फलश्रुतिः ||
इतीदं कवचं गुह्यं सर्वतन्त्रेषु गोपितम् |
वज्रपञ्जर नामानं गणेशस्य महात्मनः ||
अङ्गभूतं मनुमयं सर्वाचारैक साधनम् |
विनानेन न सिद्धिः स्यात् पूजनस्य जपस्य च ||
तस्मात् तु कवचं पुण्यं पठेद्वा धारयेत् सदा |
तस्य सिद्धिर्महादेवि करस्था पारलौकिकी ||
यं यं कामयते कामं तं तं प्राप्नोति पाठतः |
अर्धरात्रे पठेन्नित्यं सर्वाभीष्ट फलं लभेत् ||
इतिगुह्यं सुकवचं महागणपतेः प्रियम् |
सर्वसिद्धिमयं दिव्यं गोपयेत् परमेश्वरि ||
|| इति श्रीरुद्रयामले श्रीमहागणपति वज्रपञ्जर कवच सम्पूर्णं ||
